Casglu Hadau Coed, ardal Beddgelert
Archebu’n hanfodol; lleoedd cyfyngedig
Dyma hi’n dymor y cnau a’r aeron. I gyrff cadwraeth yn Eryri, dyma’r tymor i gasglu hadau coed (mes, hadau’r fedwen, ayyb), gan adael digon i’r adar, wrth gwrs!
Bydd yr hadau yma’n cael eu meithrin a’u tyfu er mwyn rhoi hwb i fyd natur ac annog adferiad coedlannau. Bydd y coed ifanc yn cael eu plannu yn y man ledled Eryri er mwyn cynyddu bioamrywiaeth, lleihau llifogydd ac erydu ac adfer coedlannau. Mae hyn yn arbennig o bwysig gan fod y clefyd sy’n lladd coed ynn wedi lledaenu mor gyflym ledled y DU; o ganlyniad bydd llawer o goed yn cael eu colli. Mae’r ffaith fod y coed yma’n lleol yn golygu y byddan nhw’n addasu’n dda i’r hinsawdd lleol.
Bydd gwaith heddiw yn golygu ymweliad â meithrinfa goed yr Ymddiriedolaeth Genedlaethol – dyma gychwyn ar broject dwy i dair blynedd i fagu miloedd o goed ar gyfer cynlluniau rheolaeth tir lleol yr Ymddiriedolaeth Genedlaethol dros gadwraeth.
Mae gennym drefn weithio glir ac asesiadau risg ar gyfer coronafirws i’n galluogi i gyflawni gwaith awyr agored ymarferol mor ddiogel â phosibl. Os hoffech gael mwy o wybodaeth am y rhain cofiwch gysylltu. I sicrhau bod ymbellhau cymdeithasol yn bosib bob amser, cyfyngir yn llym ar y nifer o wirfoddolwyr ar gyfer pob diwrnod gwaith. Cofiwch archebu’n fuan i osgoi cael eich siomi.
Cysylltwch ag Mary i gofrestru:
mary@snowdonia-society.org.uk
07990 703091
