Gwesty gwenyn
Prosiect Gwenyn Tŷ Hyll
Mae Prosiect Gwenyn Tŷ Hyll yn gwella ymwybyddiaeth o’r creaduriaid rhyfeddol hyn, ac mae’n ysbrydoli’r to hŷn a’r to iau fel ei gilydd i wneud beth allant i’w helpu. Mae gwenyn a phryfed peillio eraill yn gwneud cyfraniad allweddol at natur a pheillio cnydau er mwyn cynhyrchu’r bwyd byddwn yn ei fwyta, ond o ganlyniad i afiechydon, dulliau ffermio modern a’r defnydd o blaladdwyr a chwynladdwyr, mae pryfed peillio yn wyneb bygythiad.
Ystafell Gwenyn Mêl
Iolo Williams yn agor Tŷ Hyll ar ei newydd wedd yn 2012
Yn ein hystafell arddangosfa gwenyn mêl i fyny’r grisiau yn Nhŷ Hyll (uwchlaw’r ystafell de), gallwch ddysgu rhagor am:
- gylch bywyd diddorol y gwenyn
- ein prosiect magu mamwenyn sy’n cyflenwi mamwenyn lleol ar gyfer cychod gwenyn lleol
- beth allwch chi wneud i gynorthwyo pryfed peillio yn eich gardd.
Y cychod gwenyn
Lleolir y cychod gwenyn yn y coetir yn ddigon pell o’r llwybrau troed. Bydd ein gwenyn yn ddigyffro os na fydd neb yn amharu arnynt.
Dewch i’w gwylio o bellter parchus; dewch ag ysbienddrych i gael golwg fanylach!
Cychod gwenyn (Delwedd: CNC)
Cyfranogwch
- Ymunwch yn y gweithgareddau bywyd gwyllt yn Tŷ Hyll. Gweler Digwyddiadau yn Tŷ Hyll
- Prynwch ein Hadau er lles Gwenyn a phlanhigion cyfeillgar i bryfed peillio i’ch gardd, a chefnogwch ein gwaith ar yr un pryd!
- Dewch i Tŷ Hyll i weld y gwenyn a phryfed peillio eraill wrth eu gwaith
- Cyfrannwch ar-lein neu yn y blychau a ddarperir yn Tŷ Hyll – fel elusen, ni allwn wneud ein gwaith heboch chi!
- Ystyriwch gadw gwenyn: ewch i Ganolfan Genedlaethol Cadw Gwenyn Cymru (yng Nghanolfan Bwyd Cymru Bodnant)
- Dysgwch ragor am y bygythiadau i’n gwenyn gan yr Ymddiriedolaeth Cadwraeth Cacwn
Lawrlwytho taflenni:
25
Med, 24
Gwirfoddoli: Garddio yn Nhŷ Hyll, Betws y Coed
Betws y Coed
Ymunwch â ni yn Nhŷ Hyll hyfryd gyda’i gardd sy’n toddi’n naturiol i’r goedlan o’i chwmpas. Gallai’r tasgau gynnwys chwynnu, swyddi cynnal a chadw neu glirio llwybrau.