Daniel Goodwin

Fel Uwch Swyddog Cadwraeth mae Dan yn cyflwyno diwrnodau gwaith cadwraeth ymarferol a digwyddiadau hyfforddi ledled Eryri.

Astudiodd Daniel Gadwraeth Cefn Gwlad ym Mhrifysgol Aberystwyth ac mae wedi gwirfoddoli gyda sawl sefydliad cadwraeth ledled Eryri. Mae ganddo angerdd gwirioneddol dros amddiffyn a gwella Eryri, ar ôl tyfu i fyny yn cerdded mynyddoedd, coedwigoedd ac arfordir Cymru. Yn ei amser hamdden mae Daniel yn mwynhau rhedeg, heicio a beicio.

Cysylltwch:  dan@snowdonia-society.org.uk

John Harold

Mae John wedi byw ar gwr gogleddol Eryri ers 30 mlynedd ac mae wrth ei fodd yn siarad Cymraeg. Mae’n gyfrifol am sicrhau bod y Gymdeithas yn effeithiol ac yn cael ei gweinyddu’n dda, gan weithio gyda rhwydwaith eang yn cynnwys ymddiriedolwyr, gwirfoddolwyr, aelodau, staff, grwpiau cymunedol, cyrff statudol, a’n cyrff a’n busnesau sy’n bartneriaid. Mae’n gweld y Gymdeithas fel rhan o ‘linyn aur’ cadwraeth, yn cysylltu pobl – yn y gorffennol, y dyfodol a’r presennol – â’r gwaith o warchod lle hynod o arbennig.

Ers ymuno â Chymdeithas Eryri yn 2014, mae wedi goruchwylio ehangiad pwysig o raglen cadwraeth ymarferol y Gymdeithas, ochr yn ochr â datblygiad hyfforddiant achrededig ac ymgysylltu â’r cyhoedd.

Mae John wedi buddsoddi’n helaeth mewn datblygu a darparu partneriaethau allweddol i Eryri; helpu i sefydlu a chadeirio Partneriaeth yr Wyddfa; cyfrannu o’r cychwyn cyntaf i Fforwm Eryri a Chynllun Eryri, cynllun partneriaeth y Parc Cenedlaethol; cyfrannu fel partner craidd i ddatblygiad a gwireddu Partneriaeth Tirlun y Carneddau.

Mae John wedi arwain nifer o ymgyrchoedd eiriolaeth proffil uchel, yn cynnwys gwarchod Rhaeadr y Graig Lwyd/Ffos Anoddun ar yr afon Conwy rhag datblygiad ynni dŵr mawr ac arwain yr ymateb i gynigion dadleuol yn yr adolygiad ‘Tirluniau’r Dyfodol’ o Barciau Cenedlaethol ac AHNE yng Nghymru. Cyn bwysiced yw’r gwaith ar eiriolaeth sy’n digwydd yn bennaf yn y dirgel – datblygu ymatebion y Gymdeithas i ymgynghoriadau lleol, rhanbarthol a chenedlaethol, ceisiadau cynllunio, polisïau strategaethau a deddfwriaeth.

Cysylltwch â John os hoffech helpu’r Gymdeithas i ddatblygu:  john@snowdonia-society.org.uk

Judith Bellis

Judith sy’n delio o ddydd i ddydd gyda gweinyddu ariannol, rhestr gyflogi, a chyfrifon blynyddol y Gymdeithas. Os oes gennych unrhyw ymholiadau am [wneud cyfraniadau, gadael cofrodd] making donations, leaving a legacy neu oblygiadau’r dreth etifeddiaeth wrth adael cofrodd, cofiwch ffonio i drefnu i gael gair efo hi.

Mae Judith wedi byw yng ngogledd Cymru tra’n oedolyn, gan weithio mewn busnes cyfrifeg mawr cyn ymddeol o gyflogaeth llawn amser. Mae hi’n mwynhau darllen, canu a gwrando ar gerddoriaeth, cerdded, garddio, gwau a phobi, a chael ei difyrru gan lwyth cynyddol o wyrion. Mae hi’n byw ar Ynys Môn lle mae hi’n hoff iawn o wylio’r bywyd gwyllt yn ei gardd, sy’n cynnwys y wiwer goch ar adegau.

Cysylltwch â Judith i gael gair am adael cofrodd neu wneud cyfraniad: judith@snowdonia-society.org.uk

Mary Williams

Mae Mary yn Swyddog Cadwraeth i Gymdeithas Eryri. Mae ei gwaith yn cynnwys trefnu a gweithredu dyddiau gwaith cadwraeth ymarferol i wirfoddolwyr, mewn partneriaeth â chyrff cadwraeth eraill sydd hefyd yn gweithio’n ymarferol i warchod Eryri a’i bywyd gwyllt.

Symudodd Mary i ogledd Cymru o Sir Benfro ychydig o flynyddoedd yn ôl ac mae hi wrth ei bodd yma. Mae hi’n mwynhau crwydro’r mynyddoedd, er mai cerdded fydd hi fel arfer yn hytrach na rhedeg.

Mae ei chefndir ym myd addysg, gan weithio efo plant a phobl ifanc. Symudodd i waith cadwraeth drwy gyfrwng timau wardeniaid yr Ymddiriedolaeth Genedlaethol yn Sir Benfro ac yn Ogwen ac mae hi wedi bod yn rhan o dîm Cymdeithas Eryri ers 2019.

Mae Mary wrth ei bodd yn cyfarfod pobl ac mae hi’n siŵr o gael gair efo chi mewn digwyddiad i wirfoddolwyr. Mae’n debyg hefyd y bydd yn dangos blodyn neu ddau i chi neu gadael i chi wybod ambell i ffaith ddifyr am y lleoliad neu’r bywyd gwyllt.

Mae Mary hefyd yn Swyddog Tŷ Hyll i’r Gymdeithas, ac yn sicrhau bod gwaith cynnal a chadw’n cael ei wneud i edrych ar ôl y tŷ, gardd a choedlan Tŷ Hyll, Betws-y-coed.

Gallwch gysylltu â Mary yn mary@snowdonia-society.org.uk

Mary-Kate Jones

Mae Mary-Kate yn datblygu a chyfeirio ein rhaglen wirfoddoli cadwraeth a recriwtio gwirfoddolwyr newydd i ymgymryd â gwaith ymarferol yn y Parc Cenedlaethol.

Yn byw yng Ngogledd Cymru hyd ei hoes, mae Mary-Kate yn angerddol am gadwraeth Eryri.

Gellir cysylltu â Mary-Kate yn mary-kate@snowdonia-society.org.uk