Ymunodd Wani â thîm y Gymdeithas fel Swyddog Ariannol, sy’n cynnwys y gorchwylion gweinyddol a braidd yn ddiflas o sicrhau cydbwysedd yn y llyfrau, cynnal cofnodion ariannol a chynhyrchu adroddiadau ariannol ar gyfer rhanddalwyr.
Ymwelodd Wani ag Eryri am y tro cyntaf yn 2012 pan astudiodd ei chwaer ar gyfer ei gradd meistr ym Mhrifysgol Bangor, a chwympodd mewn cariad yn syth bin â’r ardal hardd. Mae rhywbeth am y mynyddoedd a choedwigoedd gogledd Eryri sy’n rhoi iddi y tawelwch sy’n lliniaru ei phryder.
Yn ei hamser sbâr, mae Wani yn mwynhau crwydro gogledd Cymru ar droed a darllen am ambell i sgandal corfforaethol. Mae hi’n gobeithio dysgu cymaint â phosib am weinyddu gwaith cadwraeth fel ei bod yn gallu cyflwyno hyn yn ei gwlad ei hun, Malaysia, yn y dyfodol. Ar hyn o bryd mae hi hefyd yn dysgu Cymraeg ac yn mwynhau cael y cyfle i ddefnyddio ac ymarfer yr ymadroddion Cymraeg y mae hi wedi eu dysgu yn ei bywyd bob dydd!
Mae Cymdeithas Eryri, a sefydlwyd ym 1967, yn elusen gofrestredig sy’n seiliedig ar aelodau sy’n gweithio i ddiogelu a gwella harddwch a rhinweddau arbennig Eryri ac i hyrwyddo eu mwynhad er budd pawb sy’n byw, gweithio yn yr ardal neu’n ymweld â hi nawr ac yn y dyfodol.
JOIN as a member to support our work.
The Snowdonia Society
Caban, Brynrefail, Caernarfon, Gwynedd LL55 3NR
info@snowdonia-society.org.uk
