Chelsea Boden

Dyma Chelsea.  Efallai y byddwch yn ei chofio yn arwain dyddiau gwirfoddoli gyda Chymdeithas Eryri, wrth ddarllen ei herthyglau yn y cylchgrawn, neu o’i gweld yng Nghyfarfod Cyffredinol Blynyddol y llynedd. Gweithiodd i’r Gymdeithas fel Cynorthwyydd Cadwraeth yn ystod ei chyfnod hyfforddi ac yna fel Swyddog Cadwraeth. Mae hi’n gwerthfawrogi ei hamser yng Nghymdeithas Eryri yn fawr am bopeth y mae wedi’i ddysgu iddi ac am yr holl bobl wych y mae wedi’u cyfarfod.

Mae Chelsea yn falch o fod yn rhan o ddyfodol y Gymdeithas fel Ymddiriedolwr. Mae hi’n credu’n gryf yn amcanion y Gymdeithas ac yn credu mai’r rhan bwysicaf o frwydro yn erbyn yr argyfwng hinsawdd, sy’n aml yn cael ei hanwybyddu, yw trwy frwydro yn erbyn difreinio amgylcheddol trwy annog a hwyluso ymgysylltiad â’r awyr agored. Mae hon yn ffordd ardderchog o ddangos i bobl pam y dylent ofalu am yr amgylchedd a’u hatgoffa ei fod yn perthyn i bob un ohonom a bod ganddynt le ynddo hefyd. Mae hyn yn rhywbeth y mae hi’n credu bod y Gymdeithas yn ei wneud yn dda iawn, hyd yn oed os nad yn gwbl fwriadol, a rhywbeth y mae hi’n credu y gellir ei ddatblygu ymhellach trwy gyfrwng gwirfoddoli cadwraeth a thrwy eiriolaeth. Mae hi’n gyffrous i ymgysylltu â’r Bwrdd, yr aelodaeth a’r staff presennol i weld sut y gellir datblygu gwaith y Gymdeithas ymhellach i helpu i gyflawni ei hamcanion o ddiogelu ein tirwedd arbennig a’n hamgylchedd ehangach, ac annog eraill i ymgysylltu â hi i wneud yr un peth.