Prif swydd Rob yw rhedeg Gwesty Plas Coch yn Llanberis gyda’i wraig Fiona. Plas Coch oedd y busnes cyntaf yn yr ardal i sicrhau gwobr Lefel Aur Yr Wyddfa Di-blastig. Mae cyfrannu at gadwraeth bywyd gwyllt a diwylliant yn Eryri yn rhan o’u cynllun busnes a chydweithio â Chymdeithas Eryri yw’r ffordd fwyaf effeithiol o roi’r cynllun hwnnw ar waith felly mae Rob wrth ei fodd yn ymuno â grŵp o wirfoddolwyr ar ddiwrnod prin i ffwrdd o’i waith!
Mae Rob hefyd yn gweithio efo oedolion gydag anableddau dysgu fel cymhorthydd ac ambell waith (fel Arweinydd Mynydd cymwysedig) mae’n gallu helpu ymwelwyr i ddysgu mwy am ardal hyfryd Eryri sydd mor hoff ganddo. Arferai Rob weithio fel prifathro ac arbenigwr mewn addysg disgyblion plant dan 5 oed ond fel dysgwr Cymraeg mae’r sefyllfa bellach yn dra gwahanol!
Mae Cymdeithas Eryri, a sefydlwyd ym 1967, yn elusen gofrestredig sy’n seiliedig ar aelodau sy’n gweithio i ddiogelu a gwella harddwch a rhinweddau arbennig Eryri ac i hyrwyddo eu mwynhad er budd pawb sy’n byw, gweithio yn yr ardal neu’n ymweld â hi nawr ac yn y dyfodol.
JOIN as a member to support our work.
The Snowdonia Society
Caban, Brynrefail, Caernarfon, Gwynedd LL55 3NR
info@snowdonia-society.org.uk
