Rydyn ni’n recriwtio Uwch Swyddog Cadwraeth!

Oriau: 37.5 awr/wythnos
Swydd barhaol
Cyflog: £28,000
Yn adrodd i: Cyfarwyddwr
Yn adrodd i chithau: Dau Swyddog Cadwraeth ar hyn o bryd
Dyddiad cau’r cais: 09:00 Dydd Llun 19 Mai 2025
Dyddiad y cyfweliad: Dydd Mawrth 27 Mai 2025

Cofiwch ddefnyddio ein ffurflen safonol i ymgeisio

Er mwyn cyflawni elfennau cadwraeth ac ymgysylltu gwirfoddol ymarferol ein Cynllun Strategol, mae arnon ni angen gweithiwr proffesiynol profiadol, galluog ac ymroddedig i arwain ein tîm cadwraeth a chyfathrebu am ein gwaith.

Nod Cymdeithas Eryri yw ysbrydoli mwy o bobl i gefnogi Eryri sy’n fwy cyfoethog o ran natur y gall pawb gysylltu â hi, ei dathlu a’i gwerthfawrogi. Rydym yn cefnogi’r uchelgais i wneud Eryri yn esiampl ar gyfer rheoli tirweddau dynodedig yn gynaliadwy, lle mae pobl o gefndiroedd amrywiol yn cymryd rhan ac yn helpu sicrhau bod tirwedd, diwylliant a’r dirwedd hanesyddol yn cael eu gwerthfawrogi, eu gwarchod a’u mwynhau.

Rydym ar flaen y gad o ran ymdrechion i gyfoethogi natur ym Mharc Cenedlaethol Eryri, gan ysbrydoli’r rhai sy’n byw yn Eryri, yn gweithio ynddi ac yn ymweld â hi i werthfawrogi’r hyn sydd gennym a chwarae eu rhan wrth ofalu amdani.

Mae ein diwylliant a’n ffyrdd o weithio yn cefnogi staff, ymddiriedolwyr, aelodau, gwirfoddolwyr a’r cyhoedd yn deg, yn barchus ac mewn ffordd sy’n annog amrywiaeth, cydraddoldeb a chynhwysiant.

Eich rôl chi fydd arwain ein tîm cadwraeth ymarferol, gan drefnu ac arwain rhaglen o ddiwrnodau gwaith gwirfoddol ymarferol gan gynnwys cydlynu staffio / arweinwyr, asesiadau risg, recriwtio gwirfoddolwyr, trefniadau ymarferol, cyhoeddusrwydd ar gyfer cyfleoedd a gwaith a wneir, cofnodi gweithgaredd gwirfoddolwyr ac adrodd ar waith a gwblhawyd.

Gan weithio gyda’r Rheolwr Rhaglen a’r Cyfarwyddwr, byddwch yn datblygu rhaglenni gwaith hirdymor ymarferol; yn nodi ac yn blaenoriaethu cyfleoedd gwaith ymarferol gyda phartneriaid, yn sicrhau cyfathrebu da, yn casglu adborth ac yn cymhwyso gwelliant parhaus. Chi fydd prif gyswllt y Gymdeithas â’n sefydliadau partner ynghylch y gwaith hwn.

Byddwch yn rheoli, yn cefnogi ac yn datblygu ein tîm cadwraeth gan sicrhau y gallant gyflawni eu rolau a’u dyletswyddau swydd yn effeithiol.

Byddwch yn cynrychioli’r Gymdeithas mewn digwyddiadau ac i grwpiau, mewn partneriaethau ac yn y cyfryngau i feithrin cefnogaeth i’n gwaith.

Byddwch yn arwain ar Iechyd a Diogelwch a diogelu ar gyfer ein rhaglen wirfoddoli, ac, ar ôl hyfforddiant addas, ar gyfer holl weithgareddau’r Gymdeithas. Byddwch yn cadw i fyny â chanllawiau, deddfwriaeth ac arferion gorau perthnasol; yn cydlynu protocolau, cofnodion ac asesiadau risg Iechyd a Diogelwch a hefyd yn sicrhau bod protocolau Diogelu yn cael eu dilyn.

Y person

Byddwch yn weithiwr proffesiynol amgylcheddol profiadol ac yn gyfathrebwr da, gyda brwdfrydedd dros fywyd gwyllt a chadwraeth. Byddwch yn gallu rheoli tîm bach, sicrhau bod ein polisïau iechyd a diogelwch a diogelu yn cael eu dilyn a chynnal adroddiadau effeithiol. Bydd gennych sgiliau cyfrifiadurol da a’r gallu i ddefnyddio Excel, Word a rhaglenni meddalwedd eraill yn hyderus. Mae’r rôl hon yn cynnwys rhywfaint o weithio ar benwythnosau, gydag amser i ffwrdd yn lle fel rhan o’n polisi gweithio hyblyg.

Gan fod yr iaith a’r diwylliant Cymraeg wedi’u cydnabod fel un o rinweddau arbennig Parc Cenedlaethol Eryri a chan ein bod ni’n anelu at gyflwyno ein digwyddiadau cyhoeddus yn y Gymraeg a’r Saesneg, yn ôl yr angen, mae agwedd gadarnhaol tuag at yr iaith Gymraeg a’r gallu i’w siarad yn hanfodol ar gyfer y rôl hon.

Gall y rôl hon gynnwys gweithio gyda phobl ifanc o dan 18 oed ac oedolion y gellir eu hystyried yn agored i niwed neu mewn perygl. Bydd ar yr ymgeisydd llwyddiannus angen gwiriad DBS manylach boddhaol (a welir trwy danysgrifiad i’r Gwasanaeth Diweddaru neu drwy gais yn dilyn eich penodiad).

Trwydded yrru gyfredol, a defnydd o gerbyd gydag yswiriant defnydd busnes – mae gwaith yn digwydd ar draws Eryri a bydd angen cludo offer llaw i’r safleoedd gwaith. Mae milltiroedd allan o’r swyddfa yn cael eu had-dalu.

Manteision

• Polisi sy’n gyfeillgar i deuluoedd gan gynnwys 28 diwrnod o wyliau ynghyd ag 8 gŵyl banc bob blwyddyn
• Trefniadau gwell ar gyfer tâl salwch ar ôl chwe mis o wasanaeth
• Polisi gweithio hyblyg
• Tanysgrifiad i’r rhaglen Llesiant 360 sy’n cynnwys mynediad at gymorth iechyd meddwl a gwasanaethau Meddyg Teulu

Disgrifiad Rôl

Oriau: 37.5 awr/wythnos
Swydd barhaol
Cyflog: £28,000
Yn adrodd i: Cyfarwyddwr
Yn adrodd i chithau: Ar hyn o bryd dau Swyddog Cadwraeth

Cyfrifoldebau allweddol

1. Cyflawni elfennau cadwraeth ac ymgysylltu gwirfoddolwyr ymarferol ein Cynllun Strategol trwy arwain a rheoli ein tîm cadwraeth, gan weithio’n aml tuag at allbynnau a amlinellir mewn ceisiadau grant llwyddiannus

• Trefnu ac arwain rhaglen o ddiwrnodau gwaith gwirfoddol ymarferol gan gynnwys cydlynu staffio / arweinwyr, asesiadau risg, recriwtio gwirfoddolwyr, trefniadau ymarferol, cyhoeddusrwydd i gyfleoedd a gwaith a wneir, cofnodi gweithgaredd gwirfoddolwyr ac adrodd ar waith a gwblhawyd.
• Gweithio i gynyddu amrywiaeth gwirfoddolwyr a gwella ansawdd eu profiad.

2. Rheoli, cefnogi a datblygu staff y tîm cadwraeth i sicrhau eu bod yn cyflawni eu rolau a’u dyletswyddau’n effeithiol ac yn dilyn gweithdrefnau priodol. Er mwyn cefnogi datblygiad hyfforddeion a lleoliadau profiad gwaith hefyd.

3. Dilyn polisïau a gweithdrefnau’r Gymdeithas bob amser, gan gynnwys ond heb fod yn gyfyngedig i Gydraddoldeb, Amrywiaeth a Chynhwysiant, polisïau sy’n gyfeillgar i deuluoedd, polisi salwch ac absenoldeb, Iechyd a Diogelwch, Diogelu, a chydymffurfiaeth â GDPR.

4. Mewnbwn i fonitro a gwerthuso gwaith y Gymdeithas, a, gyda staff eraill, datblygu a chyfrannu at adrodd effaith ein gwaith.

5. Gan weithio gyda’r Cyfarwyddwr, datblygu rhaglen waith gwirfoddol y Gymdeithas, gan dreialu gweithgareddau a ffyrdd newydd o weithio a fydd yn cyflawni canlyniadau ein Cynllun Gweithredu. Datblygu rhaglenni gwaith hirdymor ymarferol; nodi a blaenoriaethu cyfleoedd gwaith ymarferol gyda phartneriaid, sicrhau cyfathrebu da, casglu adborth a chymhwyso gwelliant parhaus. Cysylltu â staff eraill y gymdeithas.

6. Bod yn gyswllt allweddol i weithio ar y cyd a chyfathrebu’n effeithiol â sefydliadau partner yr ydym yn gweithio gyda nhw i gyflawni ein gwaith gwirfoddol a chadwraeth ymarferol. Ar hyn o bryd mae’r rhain yn cynnwys Awdurdod Parc Cenedlaethol Eryri, yr Ymddiriedolaeth Genedlaethol a’r Bartneriaeth Awyr Agored.

7. Cynrychioli’r Gymdeithas mewn digwyddiadau, i grwpiau, mewn partneriaethau ac yn y cyfryngau i feithrin cefnogaeth i’n gwaith a rhannu ein llwyddiannau a’n cyflawniadau.

8. Arwain ar Iechyd a Diogelwch ar gyfer y rhaglen wirfoddoli, ac, ar ôl hyfforddiant a phrofiad addas, ar gyfer holl weithgareddau’r Gymdeithas; cadw i fyny â chanllawiau, deddfwriaeth ac arfer gorau perthnasol; cydlynu protocolau, cofnodion ac asesiadau risg Iechyd a Diogelwch.

9. Cyfrannu at ddatblygu unedau ac adnoddau hyfforddi achrededig mewnol newydd, trefnu ac arwain sesiynau hyfforddi, cynnal asesiadau cwrs.

10. Cynorthwyo gyda meysydd eraill o waith y Gymdeithas yn ôl yr angen

Cyfrifoldebau Ychwanegol:

• Mae’r iaith Gymraeg yn un o naw rhinwedd arbennig Eryri. Dylai pob aelod o staff gefnogi a hyrwyddo’r defnydd o’r iaith Gymraeg. Yn unol â’u gallu eu hunain yn y Gymraeg, dylai aelodau staff gefnogi dysgwyr Cymraeg i ddatblygu sgiliau ac annog siaradwyr di-Gymraeg i ddysgu am y iaith a’i gwerthfawrogi.
• Rheoli amser yn effeithiol, gan gysylltu â staff eraill i gytuno ar flaenoriaethau ar gyfer ffocws gwaith
• Gweithio i recriwtio aelodau i’r Gymdeithas
• Cynnal cofnod cyfredol, cywir a chlir o oriau a weithiwyd a gwneud hawliadau treuliau mewn da bryd gan sicrhau bod y ddau yn gyflawn ac yn gyfredol erbyn unrhyw derfynau amser ar gyfer e.e. hawliadau grant
• Gweithio ar y cyd a chyfathrebu’n effeithiol
  Glynu wrth bolisïau a gweithdrefnau’r Gymdeithas bob amser, gan gynnwys ond heb fod yn gyfyngedig i Gydraddoldeb, Amrywiaeth a Chynhwysiant, polisïau sy’n gyfeillgar i deuluoedd, polisi salwch ac absenoldeb, Iechyd a Diogelwch, Diogelu, a chydymffurfiaeth â rheolau GDPR
• Mewnbwn i fonitro a gwerthuso gwaith y Gymdeithas, a, gyda staff eraill, datblygu a chyfrannu at adrodd effaith y gwaith.

Am ragor o wybodaeth cysylltwch os gwelwch yn dda â Rory Francis director@snowdonia-society.org.uk.

Dylid anfon pob cais i info@snowdonia-society.org.uk erbyn 9 y bore ar ddydd Llun 19 Mai.

Sylwer mai dim ond ceisiadau wedi eu cwblhau wrth ddefnyddio ein Ffurflen Gais Safonol allwn ni eu derbyn.