Swyddog Cadwraeth
Rhan amser – 22.5 awr (3 diwrnod) yr wythnos
Cyflog £17,563 pro rata
Contract tymor sefydlog 1 flwyddyn i ddechrau, fel rhan o raglen cadwraeth ymarferol barhaus.
CEFNDIR
Mae Cymdeithas Eryri yn elusen gadwraeth sy’n gweithio’n ddygn i warchod a gwella Eryri. Bydd y Gymdeithas yn gwneud gwaith cadwraeth ymarferol ac yn ymgyrchu i amddiffyn rhinweddau arbennig yr ardal, ac mae’n berchen ar Tŷ Hyll, adeilad eiconig sydd â gardd bywyd gwyllt a choetir hyfryd.
Mae’r Gymdeithas yn rhedeg rhaglen wirfoddoli cadwraeth sylweddol o’r enw Dwylo Diwyd. Mae gweithgareddau cadwraeth ymarferol yn cynnwys rheoli cynefinoedd, gwaith cynnal a chadw llwybrau, casglu sbwriel a mynd i’r afael â rhywogaethau ymledol.
Rydym ni wrthi’n recriwtio Swyddog Cadwraeth i ymuno â’n tîm cadwraeth presennol i ddatblygu’r prosiect. Bydd deiliad y swydd yn cymryd cyfrifoldeb beunyddiol am amrywiaeth o ddyddiau gwaith cadwraeth a gweithgareddau hyfforddiant, a bydd yn:
- recriwtio a rheoli gwirfoddolwyr
- datblygu a darparu cyfleoedd i wirfoddoli
- datblygu a darparu cyfleoedd hyfforddiant
- cynnal perthnasoedd rhagorol â phartneriaid presennol a datblygu rhai newydd.
Mae’r gweithgareddau hyfforddiant yn amrywiol ac maent yn cynnwys ein hyfforddiant achrededig mewnol ar gyfer gwirfoddolwyr. Ar hyn o bryd, rydym ni’n cynnig uned o’r enw Sgiliau Cadwraeth Ymarferol a achredir gan Agored Cymru. Bydd deiliad y swydd yn cymryd cyfrifoldeb am arwain sesiynau hyfforddiant a dyddiau gwaith cyfranogwyr, a bydd yn gyfrifol am asesu gwaith cyfranogwyr yn y maes ac yng ngweithlyfrau’r cwrs. Darperir hyfforddiant llawn ynghylch asesu hyfforddeion.
Mae holl staff Cymdeithas Eryri yn rhan o dîm. Byddant yn cyfrannu mewn sawl ffordd at waith ehangach yr elusen ac at y dasg allweddol o recriwtio aelodau a gwirfoddolwyr newydd.
Mae’r swydd hon yn swydd ran amser, 22.5 awr yr wythnos. Bydd angen hyblygrwydd o ran dyddiau gwaith. Bydd angen gweithio ar benwythnosau a gyda’r hwyr, a chaniateir amser o’r gwaith yn lle hynny.
MANYLEB PERSON
Hanfodol:
- Profiad o gynllunio a chynnal dyddiau gwaith cadwraeth ymarferol
- Profiad o weinyddu digwyddiadau ymarferol, yn cynnwys cyhoeddusrwydd, archebion, cyfieithiadau, cofnodion Iechyd a Diogelwch, ac asesu risgiau
- Gwybodaeth ymarferol am reoli cefn gwlad a gwarchod natur
- Profiad o gydweithio ag amrywiaeth o wirfoddolwyr a’u cymell
- Profiad o gydweithio a chysylltu â sefydliadau eraill
- Cryf ei gymhelliant ac yn gallu datrys problemau
- Y gallu i gyfathrebu’n effeithiol yn y Gymraeg a’r Saesneg
- Gallu defnyddio Word, Excel a PowerPoint yn fedrus, a diweddaru gwefannau a chyfryngau cymdeithasol.
- Trwydded yrru gyfredol, ei gerbyd ei hun, ac yswiriant defnydd busnes – bydd y gwaith yn digwydd ledled Eryri a bydd angen cludo offer llaw i leoliadau’r gwaith. Ad-delir milltiredd ac eithrio am deithio i’r swyddfa.
- Brwdfrydedd dros gadwraeth a gwybodaeth am y cynefinoedd a’r bywyd gwyllt sydd i’w canfod yn Eryri.
Dymunol:
- Profiad o reoli darpariaeth dysgu neu hyfforddiant achrededig
- Profiad o godi arian a recriwtio aelodau mewn sefydliad dielw;
DISGRIFIAD SWYDD
Prif Gyfrifoldebau:
- Nodi a datblygu cyfleoedd am ddyddiau gwaith a’u gweithgareddau.
- Cydlynu ar y cyd â staff eraill i lunio rhaglenni gweithgarwch a rhoi cyhoeddusrwydd iddynt.
- Trafod â phartneriaid i sicrhau fod y dyddiau gwaith a’r digwyddiadau yn rhedeg yn ddidrafferth.
- Goruchwylio ac arwain dyddiau gwaith gwirfoddol, yn cynnwys trefnu i ddod ag offer, deunyddiau a chelfi i’r safle.
- Asesu gwirfoddolwyr sy’n cwblhau hyfforddiant achrededig.
- Rhoi rheolaeth y goedlan ar waith yn Nhŷ Hyll, gan weithio gyda gwirfoddolwyr ac arbenigwyr lleol.
- Cefnogi cyfleoedd gwirfoddoli eraill yn Nhŷ Hyll.
- Cynnal cofnodion Iechyd a Diogelwch ac asesiadau o risgiau gweithgareddau
- Mynd ati i recriwtio gwirfoddolwyr newydd a hyrwyddo aelodaeth o’r Gymdeithas
- Cynorthwyo ein gwirfoddolwyr, gan ymateb i ymholiadau a darparu gwybodaeth
- Cynnal cofnodion ynghylch gwirfoddolwyr ar gyfer cronfa ddata’r Gymdeithas
- Cynorthwyo Rheolwr y Prosiect ag agweddau eraill o Waith y Prosiect yn ôl y galw
- Cynorthwyo ag agweddau eraill o waith y Gymdeithas pan fydd angen hynny
- Bydd y rôl yn cynnwys gweithio gyda phobl ifanc o dan 18 oed ac oedolion a all fod yn fregus ac mewn perygl o risg. Bydd angen i’r ymgeisydd llwyddiannus dderbyn gwiriad DBS estynedig boddhaol (gyda thystiolaeth o danysgrifiad i’r Gwasanaeth Ddiweddaru neu wrth wneud cais ar adeg cael cynnig y swydd.).
SUT I WNEUD CAIS
I gael trafodaeth anffurfiol am y swydd, ffoniwch John Harold (Cyfarwyddwr) ar 01286 685498.
Daliwch sylw: gallwn dderbyn ceisiadau a lunnir gan ddefnyddio ein Ffurflen Gais safonol yn unig. Ni ystyrir ceisiadau a gyflwynir trwy gyfrwng CV.
Dychwelwch y ffurflen – trwy e-bost, yn ddelfrydol – at john@snowdonia-society.org.uk, neu gallwch ei phostio at:
John Harold, Cymdeithas Eryri, Caban, Brynrefail, Gwynedd, LL55 3NR.
Dyddiad cau: 12:00 hanner dydd, Dydd Mawrth 16 Gorffennaf
Cyfweliadau: 30 Gorffennaf
Caiff ymgeiswyr sydd ar y rhestr fer eu hysbysu erbyn: 22 Gorffennaf
Dyddiad cychwyn arfaethedig: mis Awst